JEALSA RIANXEIRA distinguida co premio Fast Delivery nos SAP Quality Awards 2019

26 Novembro 2019
Cedida

SAP España celebrou hoxe a cerimonia de entrega dos SAP Quality Awards 2019, galardóns cos que a compañía recoñece a calidade dos proxectos desenvolvidos polos seus clientes. A edición deste ano presenta como novidade a incorporación da categoría de Customer Experience, a cal se suma ás tres existentes ata o de agora: Innovation, Business Transformation e Fast Delivery.

O xurado composto por membros das asociacións de usuarios de SAP, a firma de análise IDC, e diferentes directivos da propia compañía, analizaron e valoraron os distintos proxectos para elixir aqueles que destacasen polo grao de excelencia no despregue e o uso da tecnoloxía de SAP.

Así, JEALSA RIANXEIRA, S.A.U. foi distinguida co premio Fast Delivery pola posta en marcha do proxecto Cash Management, Treasury and Risk Management, que se integrou cunha implantación previa de SAP S/4HANA e lle permitiu, en tan só 5 meses, mellorar a comunicación entre o departamento financeiro e o de tesourería. Entre os beneficios acadados figura a redución nun 7% dos gastos financeiros, un 50% dos tempos de aprobación, un 35% dos custes administrativos, así como melloras na exactitude da previsión de efectivo, a optimización do circulante e unha redución da duración do proceso de peche. Na concesión do premio tivo un gran peso a rapidez do proxecto, especialmente tendo en conta a complexidade das funcións abarcadas e a súa integración con outros procesos de negocio. Ademais, o partner no que se apoiou a compañía foi Minsait.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...