Identificado o autor dun furto tras facerse un autorretrato coa tablet subtraída

04 Novembro 2019

A Garda Civil do Posto Principal de Boiro procedeu á investigación dun veciño do mesmo municipio como presunto autor dun delito de furto.

Un particular interpuxo unha denuncia o pasado 31 de outubro, manifestando que autores descoñecidos subtraeron do interior do seu vehículo, situado no casco urbano de Boiro, unha tablet valorada en 400 euros.

Así, procedeuse ao inicio dunha investigación, da que se puido extraer que, en datas posteriores ao furto, alguén realizara fotografías co aparato electrónico, subíndose de maneira inmediata á Nube do denunciante. Unha vez obtidas as imaxes, comprobouse que unha delas se correspondía a un selfie realizado polo presunto autor dos feitos dentro do seu domicilio.

Finalmente, a tablet puido ser recuperada e entregada ao seu propietario. A instrución das dilixencias está a cargo do Xulgado de Garda de Ribeira.

Desde a Garda Civil recordan non deixar obxectos de valor á vista no interior de vehículos, así como prestar atención ao correcto peche dos mesmos.

Outros artigos

Accidente de tráfico no acceso ao polígono de Espiñeira, en Boiro

Os bombeiros do parque comarcal provincial de Boiro recibiron unha chamada ao redor das 20:00 horas deste mércores 15 de maio alertando dun accidente de tráfico no acceso ao Polígono de Espiñeira coa estrada AG-11, no concello de Boiro. Á chegada dos bombeiros as...

+

Publicidade

Revista en papel

Opinión