Gonzalo Caballero pide o voto ao PSOE “para frear ás dereitas e á ultradereita”

09 Novembro 2019
Cedida por PSdeG

Un local hostaleiro de Boiro acolleu hoxe un xantar-mitin de peche de campaña dos socialistas. Alí déronse cita o secretario xeral do PSdeG, Gonzalo Caballero; a candidata ao Congreso pola provincia da Coruña, Pilar Cancela; a deputada provincial Sandra González; e representantes das agrupacións do Barbanza, Noia, Muros e Sar.

Gonzalo Caballero pediu o voto “para frear ás dereitas e á extrema dereita” e “para que España siga avanzando”. Neste senso, manifestou que a convivencia “pode estar en risco se a extrema dereita, que está sendo institucionalizada polas dereitas en distintas Comunidades Autónomas, ten unha porta aberta para chegar ao Goberno de España” engadindo que “se a dereita suma, sumará coa extrema dereita para poñer un Goberno en España que pode supoñer a involución e o retroceso político no noso país.” Así mesmo, destacou, en relación ao PSOE, que “este é o partido dos dereitos sociais e o partido da liberdade política”, incidindo en que “o voto útil da esquerda e do progreso é o voto ao Partido Socialista” e requiriu unha mobilización “masiva” o domingo.

Pola súa parte, Pilar Cancela solicitou o voto unido da esquerda e amosouse crítica con que, determinadas formacións, cuestionen a violencia de xénero, a diversidade sexual ou o Estado das autonomías. Respecto a isto último, expresou que “é o que garante que haxa unha sanidade pública e unha educación pública para todos e que haxa tamén unha dependencia aplicable para todos.”

Na súa intervención, o alcalde de Boiro, José Ramón Romero, apuntou que “temos que volver a ser a forza máis votada en Galicia, en Boiro e en toda a comarca.”

Outros artigos

Xoves regresa o sol e sobe a temperatura

Galicia irá quedando durante o xoves baixo influencia anticiclónica. Con esta situación, agárdanse bancos de néboa matinais en zonas de interior, que darán paso a ceos con poucas nubes en xeral. As temperaturas mínimas terán un lixeiro descenso, mentres que as máximas...

+

Publicidade

Revista en papel

Opinión

“El Estado soy yo”. Manuel Dominguez

“El Estado soy yo”. Manuel Dominguez

 Es una frase apócrifa que Luis XIV de Francia habría pronunciado el 13 de abril de 1655 ante el Parlamento de París, a los dieciséis años de edad No obstante, tal frase no consta en las actas de las reuniones del Parlement, por lo que se duda que tal anécdota...