Debate sobre o envellecemento poboacional da man de Fuxir da Proxeria, de Manuel Blanco Desar

18 Novembro 2019

O avogado, economista e politólogo santiagués Manuel Blanco Desar presentou no Centro Cultural Lustres Rivas de Ribeira a súa novela Fuxir de Proxeria, unha distopía ambientada no 2080 na que a xente maior domina a sociedade e obrigan á mocidade a cumprir unha serie de obrigacións civís ata que algúns deles se rebelan e tratan de escapar.

A apertura do acto correu a cargo de Santos Oujo, presidente do Ateneo Valle-Inclán, mentres que a concelleira de Cultura, María Sampedro, ofreceu a intervención final.

A presentación da novela, publicada por Edicións Fervenza, dou pé a debate entre público e integrantes da mesa acerca do futuro da cada vez máis envellecida sociedade galega e que medidas se deberían adoptar para non chegar a esta situación de desequilibrio demográfico que describe a obra literaria.

Manuel Blanco Desar (Santiago de Compostela, 1965) é economista, avogado e politólogo, especialista en temas internacionais, dereito da competencia e políticas públicas europeas. Entre outros galardóns literarios, obtivo o Premio San Clemente de Relatos (USC). Ten publicado en Dorna-Expresión Poética Galega. Ademais, foi colaborador e articulista en diferentes xornais e xunto con outros autores participou no volume colectivo Berra liberdade a prol de Amnistía Internacional.

Entre a súa obra atópase Nos dominios da incerteza. Historias económicas e Una sociedad sin hijos.

Outros artigos

A Deputación da Coruña apoia o labor de Misela, Renacer e ADISBISMUR

O presidente provincial, Valentín González Formoso, nunha visita á sede de Misela, en Noia A Deputación da Coruña publicou no BOP deste luns 26 de febreiro a concesión provisional das subvencións dirixidas a entidades sen fins de lucro para o mantemento de programas e...

+

Publicidade

Revista en papel

Opinión

“O medo fala. Consecuencias” – Manuel Domínguez

“O medo fala. Consecuencias” – Manuel Domínguez

O 26 de febreiro publicaba neste mesmo medio, sobre a ameaza de Donald Trump e as súas consecuencias, podería parecer unha opinión, pero non, non, está baseada en feitos. En ano 2004 cando os países bálticos liberáronse das garras comunistas das URSS e pasou a...