No marco da undécima edición da Mostra de Teatro Afeccionado Francisco Lorenzo Mariño, ao redor de 200 persoas asistiron o sábado 23 á representación de Defectos de fábrica, a cargo da Sociedade Cultural e Recreativa A Pombiña.
A última función desta mostra celebrarase o sábado 30 con Chumpá Teatro, que levará a escena Intocables. A comedia. A cita desenvolverase ás 20.30 horas no Conservatorio-Aula de Música de Aguiño, sendo a entrada de balde ata completar aforo.
Ademais de achegar esta rama das artes escénicas a través de diversas obras, o evento conta cun fin solidario porque este ano, seguindo o curso de edicións pasadas, recádanse fondos a favor da Asociación TDAH Comarca do Salnés, na súa delegación de Barbanza e con sede na Casa da Cultura da parroquia ribeirense de Aguiño.