A Santa de Francisco Asorey unha das obras máis relevantes da arte galego, aínda que non das máis coñecidas, chegou hoxe o Museo do Centro Cultural do Gaiás procedente do Centro Galego de Uruguai.
Despois de preto de 70 anos na emigración, esta potente e provocadora representación dunha muller labradora galega, espida e portando un xugo de vacas, poderá verse na exposición “Galicia, un relato no mundo” que abrirá as súas portas a partir do día 15 de novembro durante seis meses.
A exposición é a primeira das tres que se celebrarán co gallo do Xacobeo 21. Acollerá mais de 300 pezas e nelas busca amosar a interacción entre o territorio histórico galego e o resto do mundo nun percorrido que vai desde a prehistoria ata a actualidade.
Francisco Asorey autor da santa ou santiña como é coñecida entre os galegos de Uruguai consideraría esta escultura como a obra da que se atopaba “máis satisfeito”. Cando o cambadés presentouna por primeira vez, na Exposición Nacional de Belas Artes no Madrid de 1926, rompeu coas convencións estéticas e coa corrección política do seu tempo, e provocou un gran debate que saltou aos xornais e mesmo escandalizou a unha raíña. e que hoxe en día estase a repetir nas redes sociais unha evz que se coñeceu que ia vir a Galicia.
Asorey levaría a primeira medalla da exposición con outra obra, San Francisco, mentres a Santa provocaba gran sorpresa e amplo debate sobre a súa representación do corpo da muller, tan afastada da figura idealizada á que estaban afeitas todas as miradas, e tamén ao redor da súa lectura política, xa que se entendeu como un símbolo da situación da Galicia do momento.
O ribeirense Manolo Gago, comisario da mostra refirese a esta escultura como “unha obra do seu tempo, simbolista, pero ao mesmo tempo moi subversiva. Para o profesor da USC, Santa amosa o compromiso das entidades galegas do exterior con Galicia un ente que é algo mais que un territorio.
