A asociación AMBAR vai levar á Casa da Cultura de Porto Son o seu espectáculo-coloquio Elas, un proxecto artístico-comunicativo-reivindicativo que ten o obxectivo de representar a capacidade de apoderamento das mulleres artistas con diversidade funcional da dita asociación de Barbanza, protagonistas de Elas. Con esta acción, lembran dende AMBAR, “queremos recalcar a importancia de visualizar as desigualdades de xénero e loitar contra a violencia exercida ás mulleres”. A inicativa Elas, unha fronte común artística e comunicativa a prol da igualdade e a loita, será presentada en O Son a partir das 20.00 horas.
O acto comezará coa charla impartida pola asociación feminista Muchachas que achegará ao público unha presentación sobre empoderamento e violencia de xénero centrada nos falsos mitos e crenzas que a rodean. De seguido será a quenda da actuación de danza, nacida da colaboración coa coreógrafa Clara Ferrao e as artistas do grupo de artes escénicas de AMBAR. O acto rematará cun coloquio no que as súas protagonistas mostrarán un vídeo de todo o proceso de traballo levado a cabo e da experiencia vivida. Este vídeo, informa AMBAR, recolle os obradoiros iniciais onde se involucraron ós Centros de Información á Muller (CIM) das comarcas de Barbanza, Sar, Muros e Noia. A acción está promovida pola Axencia de Desenvolvemento Rural da Xunta de Galicia a través do Asociación de Desenvolvemento Local DELOA.
No acto estarán presentes representantes políticos dos diferentes concellos que representa a Asociación DELOA (Barbanza, Sar, Muros e Noia), entre eles o alcalde de Porto do Son, Luís Oujo.
acompañados por Paca Gago, xerente da Asociación DELOA, e representantes da directiva de AMBAR.