A Pobra acolle este venres unha homenaxe póstuma a Plácido Betanzos

06 Novembro 2019

O libro póstumo do profesor, político e escritor palmeirense Plácido Betanzos, falecido en 2018, vai seguir o seu itinerario de presentacións por diversos puntos estratéxicos da nosa comarca. Relatos e lembranzas será dado a coñecer este venres 8 de novembro ás 20.30 horas no Auditorio Valle-Inclán da Pobra do Caramiñal.

A cita, que tamén será unha homenaxe colectiva, contará coa presenza de Patricia Lojo, concelleira de Cultura, Jesús Laíño Briones-Aren, da Asociación Cultural Barbantia, José Muñiz Santalla, membro da Comisión de Homenaxe a Plácido Betanzos e Xosé Lois Piñeiro, alcalde da Pobra. O acto, organizado polo Concello pobrense, virá acompañado da vertente poético-musical a cargo da asociación local ESMU.

Mestre, político e contador de historias

Plácido Betanzos, nado en Palmeira en 1952, foi profesor en varios institutos e rematou a súa carreira docente no IES Leliadoura de Palmeira. Compaxinou este labor co traballo político no Concello, onde foi edil do BNG entre os anos 1992 e 2002 e candidato á alcaldía de Ribeira nos anos 1995 e 1999. Amais, tamén foi tamén un activo comunicador e froito desta vertente literaria, xornalística e creativa abrollaron escritos como os que compoñen Relatos e lembranzas ou senlleiros artigos como Bágoas na chuvia, que foi unha das primeiras reflexións-denuncia desenvolvidas na nosa comarca e en Galicia sobre o problema da violencia machista. O pasado verán, Relatos e lembranzas foi dado a coñecer no consistorio de Ribeira.

Outros artigos

Barbanza Arousa recibe as primeiras adhesións ao SICTED

A Mancomunidade Barbanza Arousa, en consonancia coa súa estratexia de colaboración público-privada, continúa este ano coa implantación do Sistema Integral de Calidade Turística en Destino, SICTED, entre os axentes turísticos do territorio. Nesta ocasión, a primeira...

+

Publicidade

Revista en papel

Opinión

“Celebrando a  Rosalía de Castro”. Antía Pereira

“Celebrando a Rosalía de Castro”. Antía Pereira

“Celebrando a Rosalía e o seu día celebramos o que nos une, o que nos representa e o que nos move. Poucas figuras concitan ó seu redor a unanimidade que convoca Rosalía. E iso en boa medida porque ela soubo tocar as cordas, unha a unha, aínda que fose de distinto...