A Mostra de Teatro Afeccionado de Aguiño ábrese con humor e solidariedade

11 Novembro 2019

A edición 2019 (onceava convocatoria) da Mostra de Teatro Afeccionado Francisco Lorenzo Mariño de Aguiño arrancou este sábado 9 de novembro ás 20.30 horas no Conservatorio da vila ribeirense. E fíxoo, coa presenza dun nutrido público, da man da agrupación O Aturuxo de Melpómene e da súa comedia Algo pasa con Paco. Á representación acudiron preto dun centenar de persoas. A previsión é de que, a medida que avance o ciclo de espectáculos, se supere a cifra das 200 persoas, do mesmo xeito que nas anteriores edicións.

A mesa solidaria de TDAH Salnés-Barbanza

O espectáculo de apertura da mostra acompañouse dunha importante vertente solidaria: dúas mesas habilitadas para recadar doazóns a prol da Asociación TDAH Salnés-Barbanza. Nas mesas estiveron Emilio Martís, profesor de Apoio Educativo; Becky Camean, delegada comarcal TDAH en Ribeira-Aguiño; e máis Elvira Pisos, presidenta da Asociación Cultural e Veciñal Francisco Lorenzo Mariño de Aguiño, organizadora do ciclo teatral. Por certo que a propia Pisos foi a encargada, tamén, de presentar a mostra e dar a benvida ao público. A presidenta da asociación estivo acompañada, na inauguración, da directiva da entidade (Pepita, Pili, Rosita, Unai, Moncha, Teruca, María Dolores e Carmencita).

Benvida da mostra a cargo de Elvira Pisos

A mostra desenvolverase até o 30 de novembro, con compañías procedentes de Narón, Melide, Pedrouso e Cuntis.

Outra imaxe da mesa solidaria instalada no Conservatorio de Aguiño

Respecto das vindeiras actuacións, o sábado 16 será a quenda da agrupación Charamela con Pode ser calquera…; seguida da Sociedade Cultural e Recreativa A Pombiña con Defectos de fábrica o sábado 23; e Chumpá Teatro con Intocables. A comedia o sábado 30.

Tódolos espectáculos celebraranse ás 20.30 horas no Conservatorio-Aula de Música de Aguiño, sendo a entrada de balde ata completar aforo. Este ciclo conta coa colaboración da Concellería de Cultura de Ribeira e a Deputación da Coruña, así como diversas empresas e entidades.

Outros artigos

Publicidade

Revista en papel

Opinión

“Cuando el payaso llora” – Manuel Domínguez

“Cuando el payaso llora” – Manuel Domínguez

Cuando el Payaso llora. A punto de salir a pista, tras las cortinas, los últimos minutos, la tele habla de los niños asesinados en Gaza, el bombardeo cruento del Hospital en Ucrania, tanta muerte inocente. Al payaso le cae una lagrima, recorre su mejilla dejando...

“Igualdade e dignidade”. Luís Celeiro

“Igualdade e dignidade”. Luís Celeiro

A moitos dos que andan polas alturas da función ou da acción política gústalles falar dorespecto á vontade popular, á que a mesma Constitución de 1978 alude no seu Preámbulo,cando fala de “consolidar un Estado de Dereito que asegure o imperio da lei como expresiónda...