Un encontro con vistas á recuperación da ruta xacobea

18 Outubro 2019

20191018. Un local hostaleiro de Ribeira acolleu un xantar de confraternidade entre a Asociación Amigos do Camiño do Barbanza. A Orixe e os alcaldes dos concellos do Barbanza e O Sar -concretamente, asistiron os rexedores de Ribeira, A Pobra do Caramiñal, Boiro, Rianxo e Padrón-. O obxectivo desta primeira toma de contacto institucional reside en presentar o proxecto cultural de recuperación do antigo itinerario xacobeo que transitaba por este territorio.

Antonio González Millán, en representación do citado colectivo, manifestou que este proxecto consta dun exhaustivo traballo de investigación e documentación que está a piques de cristalizar na marcaxe do traxecto. Así mesmo, precisou que o camiño “está xustificado, está argumentado a partir de documentación, de referencias en manuscritos, publicacións antigas ou non de carácter librario e en testemuños arqueolóxicos e patrimoniais.”

Paralelo á ruta marítimo-fluvial pola que entraron os restos do Apóstolo Santiago, o referido camiño toma como punto de partida Corrubedo, lugar no que se sitúa a cidade asolagada de Valverde que aparece no Pseudo Turpín do Códice Calixtino, entroncando co camiño portugués en Iria Flavia. Desta maneira, as persoas que completen o itinerario chegando a Santiago, poderán obter a Compostela.

Ademais, González Millán apuntou que hai negociacións tanto co Arcebispado coma coa Xunta de Galicia.

O camiño supera os 100 quilómetros ata Santiago e estará delimitado en cinco etapas que constan de entre 20 e 25 quilómetros cada unha. Antes de que conclúa o presente ano, procederase á realización dunha presentación pública na que se dará conta das súas características.

Outros artigos

Roubo na igrexa parroquial de Cures en Boiro

A igrexa parroquial de Cures en Boiro rexistrou un roubo onde foron subtraídas seis cadeas de ouro e unha medalla que adornaban a tres virxes: a Virxe dos Dolores, a Virxe do Carmen e Santa Rita. O párroco, Marcelino Barros, expresou o seu pesar ante os feitos,...

+

Publicidade

Revista en papel

Opinión

“Grosera manipulación del CIS”. José Castro López

“Grosera manipulación del CIS”. José Castro López

Todas las encuestas previas a las elecciones del 18-F acertaron en la intención del votode los gallegos con diferencias mínimas en la adjudicación de escaños. Todas, menoslas promovidas por un medio de comunicación cercano al Gobierno de España y las tresque realizó...

“Son os anos…”. Xulio Xiz

“Son os anos…”. Xulio Xiz

Anos e experiencia permítenme ser un optimismo relativo que ve o arredor coa mellor das perspectivas, estimando que a maioría das persoas fai as cousas o mellor que pode, e as administracións teñen intención benéfica nas accións que enfrontan. Os anos danme...