Un ciclo divulgará a obra e figura de Victoriano García Martí na Pobra

09 Outubro 2019

20191009. A Pobra do Caramiñal albergará o I Ciclo Victoriano García Martí co obxectivo de dar a coñecer a obra e figura deste escritor pobrense entre a cidadanía. Así o anunciaron o alcalde da localidade, Xosé Lois Piñeiro; a concelleira de Cultura, Patricia Lojo; e a técnica do Museo Valle-Inclán, Sabela Herrero.

As actividades desenvolveranse en diversos emprazamentos da vila os días 11, 12, 18, 19 e 20 de outubro. A programación inclúe ofrenda floral, conferencias, obra de teatro e exposición composta por mostras bibliográficas, correspondencia, escritos persoais e fotografías, entre outros.

A edil manifestou que decidiron organizar este evento porque Victoriano García Martí “é un referente da cultura”, tratándose ademais dun intelectual que “abre a Galicia cara ao exterior e que comunica a sensibilidade do galego máis alá das nosas fronteiras.” Tamén apuntou que o escritor pobrense trasladou á prensa nacional e internacional a procesión das mortaxas, contribuíndo a catapultar a fama deste evento. Patricia Lojo engadiu que García Martí “pensaba xa naquel momento que Galicia era unha seña de identidade distinta da Península Ibérica e que, a través da cultura, se tiña que construír un país mellor.” Por último, agradeceu o traballo de tódalas persoas que fixeron posible este ciclo, así como a cesión das ilustracións realizadas para a ocasión por parte de Domingo Regueira.

Pola súa parte, a técnica Sabela Herrero fixo primeiramente unha reivindicación do papel dos museos “como centros investigadores e como centros garantes da transmisión da cultura dunha xeración a outra.” A continuación, precisou que Victoriano García Martí estaba vencellado aos movementos feministas de Galicia. Así mesmo, resaltou o traballo colectivo entre o Concello pobrense, o director do Museo Valle-Inclán e a área de Turismo.

Na súa intervención, o rexedor cualificou estas xornadas como “necesarias”, destacando que este escritor posuía “ideas modernas, diferentes e que encadrarían bastante na época que vivimos actualmente, nalgúns aspectos. Polo tanto, foi unha persoa adiantada ao seu tempo, en valores democráticos, en valores feministas e moi polifacético.” Deste xeito, preténdese mellorar a cultura e o coñecemento do patrimonio do concello. Finalmente, agradeceu a colaboración da Universidade de Santiago de Compostela (USC), Museo do Pobo Galego, Asociación Cultural Barbantia e Eiradela Asociación Cultural.

Outros artigos

Atlántica trae á Pobra dous espectáculos de narración oral

O Festival Atlántica volve levar novas historias a diferentes puntos da xeografía galega e parte da portuguesa no verán deste 2024. Narración oral e paraxes fundiranse unha vez máis con numerosos espectáculos de narración oral. A Pobra do Caramiñal é unha das...

+

A Pobra recibe a bandeira azul para a praia da Lombiña-Cabío

A praia da Lombiña-Cabío é un dos areais recoñecidos coa bandeira azul pola Asociación de Educación Ambiental y del Consumidor (ADEAC) neste 2024. O acto de entrega das 140 bandeiras azuis que corresponden a Galicia -114 praias, 11 portos deportivos e 15 centros...

+

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...