Toxo Telecom lanza servizo de fibra para fogares e empresas

08 Outubro 2019

20191008 A operadora ribeirense Toxo Telecom anunciouno este verán: o comezo do outono ía vir con novidades importantes para os clientes reais e potenciais da firma de telecomunicacións. Estas novidades eran principalmente dúas: por unha banda os atractivos prezos das diferentes tarifas de servizo móbil e, pola outra, o subministro de fibra para os fogares e as empresas (tecnoloxía FTTH polas súas siglas en inglés). O primeiro converteuse en realidade os días pasados e o segundo (a rede de alta velocidade para os domicilios, amais de móbil 4G) vén de facerse oficial a través do Facebook de Toxo Telecom.

A fibra da empresa de Barbanza estréase con tres modalidades. A máis básica é a tarifa Fibra 100, que achega 100 Mbps a un prezo de 27,95 euros. A segunda, Fibra 300, subministra 300 Mbps a un custe de 31,95 euros. A tarifa máis completa é Fibra 600, que achega 600 Mbps a 35,95 euros. Segundo lembran dende Toxo Telecom, todos os prezos inclúen o IVE.

Para resolver dúbidas sobre esta nova e interesante liña de servizo, pioneira no Barbanza, a operadora recorda que hai un número de teléfono móbil específico ao que chamarmos, o 602 247 247, e que tamén está operativa a páxina web www.toxotelecom.com e máis o Facebook propio da empresa, actualizado de xeito permanente.

A fibra de Toxo Telecom, que xa ten imaxe propia (a caixa de cereais como alimento completo e máis que nutritivo), vaise comercializar en converxencia ou individualmente.

Toxo Telecom, para que non o saiba, é unha operadora galega posta en marcha en 2018 por tres emprendedores de Ribeira, centrada en ofrecer servizos de telefonía móbil, con tecnoloxía 4G en todo o territorio nacional. Recentemente a empresa avanzou a posibilidade de ofertar aos seus usuarios produtos de telefonía fixa e vender así unha solución converxente con catro servizos principais: TV, móbil, fixo e Internet, como ofrecen os grandes operadores.

Outros artigos

Intensa actividade de fin de semana na Unidade Pastoral de Ribeira

As actividades empezaron o venres con 21 mozos e mozas da Unidade Pastoral de Ribeira que recibiron o sacramento da Confirmación. Por outra banda este sábado unhas 80 persoas asistiron á conferencioa do ribeirense, Pedro Fernández Castelao, profesor na "Universidad...

+

Publicidade

Revista en papel

Opinión

“Un poeta llamado Sémper”. Xosé Antonio Perozo

“Un poeta llamado Sémper”. Xosé Antonio Perozo

El mimetismo positivo del correligionario con el líder es un fenómeno en desaparición. Puede ser debido a dos circunstancias. Una, la falta de carisma de la mayoría de los dirigentes políticos de nuestros días. Dos, la proliferación y diversificación de sus presencias...

“Mi Buenos Aires querido…”. José Castro López

“Mi Buenos Aires querido…”. José Castro López

Mientras escribo suena “Mi Buenos Aires querido” en la voz de Carlos Gardel, elinmortal interprete del tango, la expresión artística única que refleja la identidad deArgentina y de su gente.Mi primera noticia de Buenos Aires se remonta a la ya lejana infancia cuando...