Samaín, un festexo para divertirse e traballar as áreas social, cognitiva e psicomotriz

31 Outubro 2019
Cedida por AGADEA

Usuarios do Centro de Día de Ribeira e dos Centros de Estimulación Integral de Ribeira e Boiro, atópanse desenvolvendo actividades relacionadas co Samaín co obxectivo de “traballar compoñentes de todas as áreas, sexa a social, a cognitiva ou a psicomotriz”, tal e como manifestan desde a Asociación Galega de Axuda aos Enfermos con Demencia tipo Alzhéimer (AGADEA). Neste senso, traballaron a orientación temporal ao empregar produtos tradicionais desta tempada como son as cabazas, as cales tiveron que decorar manipulando distintos obxectos “traballando diferentes capacidades psicomotrices.”

Así mesmo, os usuarios colorearon máscaras relacionadas coa temática actual, facendo uso da creatividade e mellorando as relacións interpersoais e o ocio. Tamén realizaron un photocall para esta mesma tarde tomarse fotografías que permanecerán no recordo ao tempo que se difunde o labor da citada asociación.

Ademais, traballan esta temática como terapia de orientación á realidade (TOR), contribuíndo a que a persoa comprenda o mundo que o rodea. Desta maneira, “o que se pretende é que se familiaricen coa temática da actualidade, que comprendan o motivo polo cal se poden atopar con persoas disfrazadas na rúa, escaparates decorados con teas de araña, etc. así como que aquelas persoas que teñan netos ou bisnetos en idade escolar comprendan o por que estes días posiblemente saen disfrazados á rúa.”

Para esta tarde teñen programadas varias actividades. Con motivo da xornada do 1 de novembro, comezarán cunha sesión de estimulación cognitiva grupal, abordando a reminiscencia relacionada co día de Tódolos Santos e Defuntos, traballando a memoria a longo prazo, expresión e fluidez oral “mediante evocación de vivencias, relacións interpersoais, entre outras moitas capacidades.” A continuación, realizarán actividades psicomotrices con castañas, aproveitando para festexar tamén o magosto, desenvolvendo diferentes xogos.

Finalmente, merendarán castañas cocidas e rematarán a tarde cun bingo, o cal terá como premio uns cucuruchos destes froitos, divertíndose ao tempo que traballan a atención, as funcións executivas (FFEE), lectura, identificación numérica e coordinación óculo-manual, entre outras.

Outros artigos

Roubo na igrexa parroquial de Cures en Boiro

A igrexa parroquial de Cures en Boiro rexistrou un roubo onde foron subtraídas seis cadeas de ouro e unha medalla que adornaban a tres virxes: a Virxe dos Dolores, a Virxe do Carmen e Santa Rita. O párroco, Marcelino Barros, expresou o seu pesar ante os feitos,...

+

Publicidade

Revista en papel

Opinión

“Grosera manipulación del CIS”. José Castro López

“Grosera manipulación del CIS”. José Castro López

Todas las encuestas previas a las elecciones del 18-F acertaron en la intención del votode los gallegos con diferencias mínimas en la adjudicación de escaños. Todas, menoslas promovidas por un medio de comunicación cercano al Gobierno de España y las tresque realizó...

“Son os anos…”. Xulio Xiz

“Son os anos…”. Xulio Xiz

Anos e experiencia permítenme ser un optimismo relativo que ve o arredor coa mellor das perspectivas, estimando que a maioría das persoas fai as cousas o mellor que pode, e as administracións teñen intención benéfica nas accións que enfrontan. Os anos danme...