Os corredores citaranse con motivo da VII Carreira Popular Concello de Rianxo

30 Outubro 2019

O 1 de novembro celebrarase en Rianxo a sétima edición da Carreira Popular deste concello, a cal será ao mesmo tempo a terceira proba do Circuíto de Carreiras Populares Arousa Norte 2019, pertencendo ao VII Circuíto Provincial de Carreiras Populares da Deputación da Coruña.

As probas poderán disputalas tanto atletas federados coma non federados e estarán baixo o control técnico do Comité de Xuíces da Federación Galega de Atletismo.

Os participantes, agás nas categorías Xoubas e Sardiñas, estarán controlados a través dun chip que se entregará xunto co dorsal a partir das 09.00 horas na praza Castelao. Así, o evento deportivo dará comezo no citado emprazamento ás 10.45 horas e as categorías de competición irán desde a Xoubas ata Máster 4.

Os tres primeiros corredores en cruzar a liña de meta na proba Absoluta, tanto na clasificación feminina coma masculina, recibirán trofeo e premios económicos.

Ademais, entregaranse medallas a tódolos corredores nas modalidades Xoubas, Sardiñas, Benxamín, Alevín, Infantil e Cadete; así como trofeos aos tres primeiros clasificados de cada categoría. Tamén haberá distinción ao club con máis participantes e trofeo Xosé Neira Hermida ao primeiro e primeira corredor e corredora local.

Así mesmo, os participantes nas modalidades Xuvenil (Sub-18), Júnior (Sub-20), Promesa (Sub-23), Sénior e Máster recibirán un agasallo técnico.

Outros artigos

Publicidade

Revista en papel

Opinión

“Grosera manipulación del CIS”. José Castro López

“Grosera manipulación del CIS”. José Castro López

Todas las encuestas previas a las elecciones del 18-F acertaron en la intención del votode los gallegos con diferencias mínimas en la adjudicación de escaños. Todas, menoslas promovidas por un medio de comunicación cercano al Gobierno de España y las tresque realizó...

“Son os anos…”. Xulio Xiz

“Son os anos…”. Xulio Xiz

Anos e experiencia permítenme ser un optimismo relativo que ve o arredor coa mellor das perspectivas, estimando que a maioría das persoas fai as cousas o mellor que pode, e as administracións teñen intención benéfica nas accións que enfrontan. Os anos danme...