20191023. Despois de que Ribeira e Palmeira acollesen a presentación do libro póstumo de Plácido Betanzos, Relatos e lembranzas, agora tócalle a quenda a outra localidade da comarca do Barbanza. Así, o Centro Social de Boiro será escenario deste acto o venres 25, ás 20.30 horas.
Impresa pola Imprenta Provincial da Deputación da Coruña e editado pola Comisión Homenaxe a Plácido Betanzos García, esta obra reúne artigos do mestre, político e escritor, algúns deles inéditos e outros publicados en diversos medios de comunicación, así como textos sobre el realizados por outras persoas ou comentarios do seu alumnado, entre outros.
Ao acto asistirán o alcalde de Boiro, José Ramón Romero; Ramón Ares, xornalista; e membros da comisión coma Pilar Sampedro e Xosé Deira.
