20191017. Con motivo do Día Mundial Contra o Cancro de Mama, o Concello de Boiro decidiu sumarse á iniciativa da Asociación Boirense de Empresarios (ABE) consistente en vestir de rosa os escaparates dos establecementos asociados. Así, procederase á iluminación da fachada do Consistorio na mesma cor co obxectivo de amosar o seu apoio.
Unha acción que se estenderá a outras datas sinaladas coma o Día Mundial da Diabetes, no que se iluminará de cor azul.
Ademais, o domingo 20 terá lugar a terceira edición da Andaina Solidaria contra o cancro de mama, organizada por Cimadevila Salud. A cita partirá desde a praza do Concello, polo que o aparcadoiro municipal abrirá nesta xornada desde as 09.30 horas para maior comodidade de tódolos participantes.
