20191021.- Un incendio a primeira hora de hoxe obrigou a evacuar ós veciños dun inmoble situado na rúa Bao, no municipio de Boiro. Os residentes foron desaloxados na madrugada por mor dun incendio orixinado no Bodegón San Julián situado no baixo do edificio, pero non houbo feridos.
Unha vez rematada a intervención por parte dos servizos de emerxencia, os residentes puideron retornar ás súas vivendas. No incendio ardeu o falso teito e parte do inmobiliario do local, sen causar danos persoais.
Os feitos comezaron sobre as 6,00 horas deste luns cando se recibiu o aviso dun lume nun baixo comercial dun edificio na rúa Bao. Ademais dos Bombeiros de Boiro e de Ribeira e dos axentes da Garda Civil, ata o lugar dos feitos desprazáronse membros de Protección Civil da localidade e Policía Local.
