20191011. Un home faleceu onte na praia de Queiruga, no municipio de Porto do Son. O dispositivo de busca activouse pouco antes das 18.00 horas do xoves 10 co obxectivo de atopar a unha persoa que desaparecera no mar. O operativo contou coa Policía Local, Protección Civil e Garda Civil, así como medios aéreos. Finalmente, ao redor das 19.30 horas, o helicóptero Pesca 1 localizou o corpo na auga e trasladouno ao areal, onde quedou baixo a custodia dos efectivos de emerxencias á espera da chegada do xuíz de garda para proceder ao levantamento do cadáver. A vítima residía en Boiro.
