20191002. A Garda Civil do Posto Principal de Boiro detivo a un individuo como presunto autor dun delito de roubo con forza. Os feitos sucederon o 26 de setembro do presente ano nun establecemento comercial de A Pobra do Caramiñal, onde o autor ou autores descoñecidos extraeron unha máquina expendedora de bolas que se atopaba no exterior dun local, asegurada á parede cunha cadea pechada cun cadeado.
Os axentes investigaron os feitos co obxectivo de lograr a identificación plena dos responsables do ilícito. Despois dunha análise minuciosa da información recadada no transcurso da investigación, a Benemérita conseguiu a filiación do autor do mesmo, procedendo á súa detención como presunto autor dun delito de roubo con forza e á recuperación da expendedora extraída, reintegrando a mesma ao seu lexítimo propietario.
O detido, xunto coas actuacións realizadas, foi posto a disposición do Xulgado de Instrución de garda de Ribeira.
