A Pobra do Caramiñal segue celebrando a vixésimo primeira edición das Xornadas de Homenaxe a Valle-Inclán. Desta maneira, esta fin de semana terá lugar a presentación dos números 37 e 38 da revista Cuadrante, contando coa intervención de Francisco Xavier Charlín Pérez e Xaquín del Valle-Inclán Alsina. A cita desenvolverase nesta mesma xornada, 31 de outubro, ás 20.15, no Auditorio do Museo Valle-Inclán. Así mesmo, os artistas Roberto Leal e Gemma do Carmo percorrerán as salas do Museo Valle-Inclán para interpretar Ambitus amoenus: De teatro nunha Torre con alma de artista, ás 20.30 horas.
Ademais, Compañía Tatana Teatro levará a escena o domingo, 3 de novembro, a obra Memorias da Árbore da Noite Triste: Último acto de Valle-Inclán. Será no Elma, ás 20.00 horas.
