O xuízo polo crime de Diana Quer, que ía comezar este luns 28 en Santiago de Compostela co obxectivo de xulgar a José Enrique Abuín, tivo que ser cancelado até o vindeiro 11 de novembro. O motivo da suspensión foi a imposibilidade de conformar o xurado popular por falta de persoas que o integrasen.
Segundo informa o Tribunal Superior de Xustiza Galicia, malia que até este luns se contaba cos 21 candidatos dos 20 que require a lei, catro deles expuxeron motivos legais para non concorrer no xurado popular, motivos que foron tidos en conta positivamente (dous deles alegando problemas médicos, outro por razóns de “non obxectivade” e outra persoa máis por ser maior de 65 anos).
O TSGX lembrou que un tribunal popular das devanditas características debe estar constituído por nove persoas máis dous suplentes, polo que é necesaria a concorrencia de polo menos 20 candidatos. A sesión aprazouse até o 11 de novembro, ás 9.30 horas novamente nos Xulgados de Santiago. Ao longo deste período, a Audiencia Provincial realizará un novo sorteo a través do que se van poder seleccionar 8 candidatos adicionais que completarán aos 17 actuais, máis o catro escusados.
