Boiro e Ribeira renovan a súa participación en Recicla vidro por elas

11 Outubro 2019
A conselleira de Medio Ambiente, Ángeles Vázquez, na presentación da campaña o ano pasado/ Foto: Xoán Crespo

20191011 Hoxe presentouse en Lugo a cuarta campaña solidaria Recicla vidro por elas, unha iniciativa de ámbito estatal que combina o fomento da reciclaxe coa solidariedade co colectivo de mulleres doentes de cancro. Na campaña participarán 15 concellos da nosa terra nos que se instalarán 30 iglús de cor rosa, en consonancia coa imaxe do Día Mundial do Cancro de Mama.

A iniciativa, impulsada e promovida Ecovidrio (en colaboración coa Consellería de Medio Ambiente e os Concellos), ten o obxectivo de recadar fondos para a loita contra esta tipoloxía de cancro, que afecta cada ano a miles de mulleres (por cada quilo de vidro que se recicle Ecovidrio doará 1 euro á Fundación Ibarra de Solidaridade para contribuír á investigación sobre a devandita doenza).

A campaña arrancou hoxe en Lugo e a partir do luns estenderase a outros 14 concellos galegos, concretamente aos de Boiro, Ferrol, Curtis, Padrón, Santiago, Porto do Son, Noia, Ribeira, A Coruña, Carballo, Lugo, Ourense, Vigo, Vilagarcía de Arousa e Sanxenxo. No conxunto de España, Ecovidrio levará esta acción solidaria, que se prolongará ata o vindeiro 26 de outubro, a máis de 80 cidades e vilas nas que se instalarán 340 iglús rosas.

Así mesmo e como símbolo da concienciación e a solidariedade co cancro de mama, Agatha Ruiz de la Prada deseñou tamén este ano un miniglú conmemorativo para a ocasión, que se poderá mercar en liña e cuxos beneficios destinaranse tamén á Fundación Ibarra.

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...