20191023. Unha vez finalizado o I Ciclo Victoriano García Martí, A Pobra do Caramiñal acolle a vixésimo primeira edición das Xornadas de Homenaxe a Valle-Inclán. Este evento comezou celebrándose durante unha semana no ámbito local, chegando a esta convocatoria cun programa composto por un amplo abano de actividades para tódolos públicos que se estenden desde o 23 de outubro ao 30 de novembro no ámbito galego. Uns actos singulares que son de interese para toda a comarca do Barbanza e que inclúen teatro, concertos, ofrenda cívica ou conferencias, entre outros.
A apertura desta cita corre a cargo de Cachirulo Teatro coa representación da obra Farsa italiana da namorada do rei, adaptación do texto de Valle-Inclán destinada aos escolares, levándose a escena na xornada de hoxe, mércores 23, e mañá, xoves 24.
