20191007. A atleta ribeirense Ana Peleteiro abriu a final do Mundial de Doha cun salto de 14’47 metros, pero non puido mellorar o rexistro nos cinco intentos posteriores. Deste xeito, quedou en sexta posición, a 26 centímetros do bronce da colombiana Caterine Ibargüen cun 14’73, mentres que o ouro foi para Yulimar Rojas con 15’37.
A deportista remata o 2019 como campioa de Europa, plusmarquista española e sexta no mundo, mellorando a súa marca da final de Londres.
Ademais, contou co apoio da veciñanza de Ribeira que se reuniu na praza do Concello para ver en directo a proba nunha pantalla xigante instalada para tal ocasión.
