20191018.- A nova rebaixa fiscal da Xunta de Galicia para a compra de vivenda no rural, incluída no proxecto de Lei de Orzamentos para 2020 que aprobou o Consello da Xunta e que entregará no Parlamento para
iniciar a súa tramitación, beneficiará a un total de 3.459 parroquias galegas pouco poboadas das catro provincias.
Da comarca beneficiaranse 3 parroquias de Rianxo, 3 Boiro e 4 de Ribeira.
Unha vez que entre en vigor esta rebaixa, o Imposto sobre Transmisións Patrimoniais (ITP) reducirase do 7% ao 5% no caso de compra de vivenda habitual –con límite de patrimonio- en algunha destas 3.500 parroquias, e baixará do 10 ao 6% para o resto de compras de vivenda tamén nestas parroquias, co obxectivo de fixar poboación no rural e dinamizar estas zonas. Deste xeito, o rural galego pasará a ter a menor tributación para a compra de vivenda de toda España.
