Pakolas protagonizará a verbena infantil das Festas da Guadalupe

02 Setembro 2019

20190902 O músico Paco Cerdeira, tamén coñecido como Pakolas, estará o día 19 de setembro en Rianxo para participar na sección musical das Festas da Guadalupe máis directamente envorcada na rapazada: a Verbena Infantil. A cita será no Cabo da Vila a partir das 23.00 horas (baile con sorpresas) e colle impulso despois coa actuación de Pakolas, sen dúbida un dos músicos galegos actuais preferidos pola rapazada (autor do libro-disco Pakolas, editado por Galaxia, éxito de vendas, público e crítica en 2017).

A Verbena Infantil rematará un pouco despois da media noite (sobre as 0.30 horas, coa rianxeira infantil, o canto colectivo entoado pola cativada que virá acompañado de variñas de luz para acrecentar o ingrediente máxico da actividade).

Pakolas, autor e compositor, músico, e tamén produtor de música pensada para @s mais cativ@s, ten longa traxectoria neste eido profesional, pasando por grupos como Mamá Cabra do que formou parte durante 10 anos, sendo fundador e formando parte de A Gramola Gominola na actualidade (compositor, guitarra e voz), e presentando tamén un proxecto individual e persoal, o devandito libro-disco Pakolas, co leva xirando por toda a xeografía galega dende abril de 2017.

Outros artigos

Presentados os novos párrocos no Barbanza

Este domingo o arcebispo de Santiago procedeu a presentar ós novos párrocos e moderadores das parroquias do Araño, Isorna, Taragoña, Fruime, Boiro, Abanqueiro, Bealo, Cabo de Cruz, Cespón , Cures e Macenda. O arcebispo de Santiago de Compostela, monseñor Francisco...

+

Publicidade

Revista en papel

Opinión

“Inseguridade social” – José Manuel Pena

“Inseguridade social” – José Manuel Pena

A Fundación Europea para a Mellora das Condicións de Vida e de Traballo da UE (Eurofound) sinala que “os sentimentos de inseguridade en varios aspectos da vida da poboación europea están estendidos, mesmo entre as persoas que están materialmente acomodadas. Os...