20190916. O Club Remo Puebla desprazouse o sábado á praia do Adro, en Bouzas (Vigo), co obxectivo de participar no II Campionato Galego de Remo de Mar-II Trofeo Internacional Cidade de Vigo-Illas Cíes con remeiros infantís e cadetes.
Desde o club sinalan que foi “unha experiencia moi importante para seguir dando pasos no mundo do remo do banco móbil.”
Unay Vázquez converteuse en campión galego ao quedar primeiro en 1x infantil masculino. Ademais, outros dos resultados obtidos foi o segundo posto de Miguel Tubío e Pablo Paz en 2x infantil masculino, o bronce de Manuel Bermo e Antonio Pérez en 2x cadete masculino, a quinta posición de Víctor Fernández en 1x alevín masculino e Brais Olveira en sexto lugar en 1x cadete masculino.