20190910. A Pobra do Caramiñal dará cabida o venres 13 á LX Milla Urbana Nocturna, cuxa saída e meta se establecerán fronte aos xardín Valle-Inclán. As carreiras comezarán ás 21.50 horas coa modalidade Chupete, finalizando coa Sénior ás 23.00 horas.
As categorías participantes serán a Chupete masc./fem., Sub-8 masc./fem., Sub-10 masc./fem., Sub-12 masc./fem., Sub-14 masc./fem., Sub-16 masc./fem., Júnior masc./fem., Sénior masc./fem., Máster 1 masc./fem., Máster 2 masc./fem., Máster 3 masc., Máster 4 masc., Máster 5 masc. e Máster.
Ao remate haberá trofeos para os tres primeiros clasificados en cada modalidade, así como medallas para os participantes en Chupete e Sub-8. Así mesmo, outorgaranse premios económicos aos tres mellores tempos de homes e mulleres das distintas categorías e carreiras. Deste xeito, ao primeiro corresponderanlle 150 euros, ao segundo 100 e 50 ao terceiro.
Os interesados poden solicitar máis información e formalizar a súa inscrición no Departamento de Deportes da Pobra do Caramiñal situado na Casa da Cultura e Xuventude Raquel Fernández Soler, en horario de 09.30 a 14.30 horas, ou a través do teléfono 981832590 e do fax 981831545. Tamén se pode anotar no propio lugar da actividade ata media antes do inicio.
Este evento deportivo está organizado pola Concellaría de Deportes da Pobra do Caramiñal e Asociación de Atletismo e Deportes do Barbanza.
