20190924. Con motivo da convocatoria dos exames CELGA da Xunta de Galicia para os niveis 2 e 4, o Servizo de Normalización Lingüística de Ribeira oferta un ano máis un curso gratuíto de galego preparatorio para a obtención da citada titulación.
A tal efecto, ábrese un prazo de inscrición para este curso preparatorio ata o 27 de setembro. Os interesados poden informarse e anotarse a través do Servizo de Normalización Lingüística, situado no Centro Cultural Lustres Rivas da rúa Manuel Lustres Rivas 20 2º; do teléfono 981835650, en horario de 08.00 a 15.00 horas; ou do enderezo electrónico normalizacion@riveira.com.
Ademais, este venres, 27 de setembro, ás 20.00 horas, terá lugar no Lustres Rivas unha presentación co obxectivo de definir o calendario e horario das clases en función da demanda.
