O lume xa afectou a máis de 80 hectáreas dos montes de Barbanza

05 Setembro 2019
Lume nos montes de Porto do Son, nunha imaxe dos informativos da CRTVG

20190905 Ao remate da xornada diaria dos traballos contra o lume (que, vía aérea, interrómpese de noite), a Consellería de Medio Rural emitiu un informe actualizado sobre o lume de Porto do Son. Segundo fixo saber, o incendio fica activo e non puido ser extinguido nin controlado, malia o incansábel labor dos moitos efectivos operativos: 9 axentes, 18 brigadas, 13 motobombas, 2 pas, 4 helicópteros e 5 avións. Tamén participaron efectivos da Unidade Militar de Emerxencias (UME), con máis de medio cento de militares, dous avións anfibios de gran capacidade da base de Santiago e outros dous procedentes de Salamanca, entre outros efectivos humanos e técnicos. Ao remate da xornada diaria xa tiña afectado a unhas 84 hectáreas.

O lume do Son, activo dende as 06,15 horas desta mañá e co orixe e epicentro na parroquia de Miñortos, estendéndose logo cara o núcleo de Portosín.

Segundo as últimas informacións, o lume, malia non estar controlado, si que estaba a piques de estar estabilizado na recta final da tarde. O lume, que tivo a súa correspondencia (moito máis leve) na outra beira da serra Barbanza, co incendio de Cures (Boiro), fixo que se crearan situacións de alto risco para determinados núcleos de poboación, como por exemplo A Silva ou Trapa. O principal inimigo dos labores de extinción está sendo o extremadamente forte vento do nordés, que aviva o lume e incrementa a súa perigosidade. As previsións apuntan a unha certa diminución dos refachos para este venres 6 de setembro.

Outros artigos

O novo Auditorio de Ribeira abrirá o sábado 1 de xuño

O novo Auditorio Municipal de Ribeira abrirá as súas portas o sábado 1 de xuño e para celebrar a súa apertura, a Concellería de Cultura está a organizar unha programación especial que se estenderá ao longo de todo o mes. Esta coincidirá co "Xuño dá Cultura e as...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...