O goberno de A Pobra queda novamente sen segunda dedicación e persoal de secretaría

13 Setembro 2019

20190913. A corporación municipal da Pobra do Caramiñal celebrou onte un pleno extraordinario ao que se levaron cinco puntos a tratar, tres dos cales saíron adiante. O primeiro, relativo ao Plan de Obras e Servizos (POS), foi aprobado por unanimidade. O segundo asunto a abordar foi a modificación na Relación de Postos de Traballo (RTP), trasladando ao tesoureiro do grupo C1 ao A1. Esta medida saíu adiante cos votos a favor de tódolos grupos, exceptuando ao PP. Tamén se aprobou por unanimidade a cuestión sobre a modificación en torno ao Plan Madruga, para que as crianzas poidan entrar antes ao servizo facilitando a conciliación.

Por outra banda, ao igual que sucedera no pleno de organización, lavouse novamente a contratación de persoal eventual para a secretaría da Alcaldía cunha retribución de 26.007 euros brutos anuais, así como a dedicación exclusiva da edil Estefanía Ramos, encargada da Concellería de Servizos Municipais, pois desde o goberno local consideran que “hai que estar a pé de obra, diariamente, en contacto con tódalas brigadas, que non son poucas, e que esixe moitísimo tempo.” Os votos en contra do BNG e PP impediron que saísen adiante ambos puntos, feito que marcou a sesión. A voceira de Nós Pobra, Charo Varela, acusounos de “facer oposición para que os servizos funcionen peor e logo vir aquí para contar o mal que o facemos.”

Outros artigos

Publicidade

Revista en papel

Opinión

“Hay cardenales que no creen en Dios” – Manuel Domínguez

“Hay cardenales que no creen en Dios” – Manuel Domínguez

Hay cardenales que no creen en Dios. Pero antes de empezar con el tema diré que ya se realizó el primer milagro de Francisco. Alguien puede decirme como 140 señores de promedio 75 años pueden aguantar 5 horas sentados al sol sin hacer 3,14 - 3,14, es decir pipi. Vamos...