20190923 O campo de Cadreche (A Pobra do Caramiñal) prometía ser este domingo 22 de setembro unha exhibición do mellor fútbol galego (en palabras do club pobrense, “un auténtico partidazo entre dous equipos que se atopan empatados a puntos na segunda posición de Rexional Preferente, o Puebla F. C. e a Sociedade Deportiva Sarriana”), e finalmente resultou selo.
Foi un encontro moi disputado (o equipo local, de feito, recibiu o primeiro gol da tempada) e no que se puxo de manifesto a paridade de forzas que está a levar aos dous clubs a compartir posto na clasificación (até agora), cousa que logo da vitoria do equipo local (2-1) resolveuse a favor deste, que ostenta 13 puntos, a só dous puntos do primeiro clasificado, o Viveiro.
No partido tivo un papel decisivo o xogador Aless, que foi quen conseguiu a vitoria local co seu gol xa case fóra do tempo (practicamente no minuto 90). Tamén tivo un papel fundamental Madiop, que adiantou ao equipo pobrense no minuto 12 cun tanto de penalti (unha falta na área a Adrián Pereira, cando este intentaba disparar a portería).
Equipo local: Juan, Carlos Lugo, Pablo, Manu Soto (Manuel, min 87), Adrián Pereira (Borja, 89), Falcón, Xabi, Madiop (Aless, 76), Picos, Nacho e Aguado.
Visitante: Álex, Daniel, Fernando, Omar, Héctor, Mauro, Javier (Álvaro Álvarez, min 69), Hugo, Alberto e Alexandre.
Goles: 1-0, Madiop no minuto 12; 1-1, no minuto 25, a cargo de Mauro; 2-1, Aless no minuto 89
