20190930. Manuel Ángel Penas Blanco (Lolo Penas) e Paula Mayobre González proclamáronse campións absolutos da XXII Carreira Popular de Santa Uxía, a máis veterana das probas desta índole na contorna, a cal forma parte do VII Circuíto Provincial de Carreiras Populares da Deputación e do IV Circuíto de Carreiras Arousa Norte.
Lolo Penas, do Club Atletismo O Pino, detivo o cronómetro en 30’49’’. Detrás del quedaron Alejandro Fernández Rivera, independente (30’52’’) e José Manuel Vieito Vilacoba, do Atletismo Sar-Vermú Petroni (30’54’’).
En canto á clasificación Absoluta feminina, Paula Mayobre, de Clínica Dental Seoane Pampín, fixo un tempo de 36’05’’, compartindo podio con Sandra Mosquera Losada, de Adas Proinor, (37’38’’) e Tina Fernández Barreiros, de Sar-Vermú Petroni (38’35’’).
En total, foron 264 os participantes que completaron o percorrido de 10 quilómetros para unha carreira popular que, entre tódalas categorías, sumou un total de 801 inscritos.
