Homenaxe no antigo campo de concentración de Rianxo ás mulleres que loitaron pola liberdade

26 Setembro 2019
O antigo campo de concentración rianxeiro, preto do lugar de O Castelo

20190926 O Concello de Rianxo, Nova Escola Galega, a Comisión pola Recuperación da Memoria Histórica do Barbanza, o IES Félix Muriel de Rianxo e máis o colectivo Barbantia organizan este vindeiro 4 de outubro unha nova actividade de reivindicación e recuperación das nosas veciñas e veciños que loitaron a prol da liberdade tralo golpe militar do 36, todas e todos silenciadas/os pola crónica oficial dos feitos e da historia.

A décima edición do Seminario pola Memoria porá o foco nas silenciadas: as mulleres solidarias cos prisioneiros do campo de concentración de Rianxo e, por extensión, todas as mulleres represaliadas e solidarias. A concentración celebrarase o 4 de outubro ás 20.15 horas, onde tivo as súas dependencias o devandito campo de concentración. Este, para que non saiba, chegou a acubillar máis de tres mil prisioneiros durante un período de dous anos. Segundo relata Cilia Torna en Sermos Galiza, o cárcere comezou a funcionar en novembro de 1937, nas instalacións dunha antiga fábrica de salgadura construída arredor de 1870, propiedade da familia Goday e situada no lugar de O Castelo. O edificio foi derrubado en 2002 para construír unha urbanización.

Outros artigos

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...

“Transcendencia”. Xulio Xiz

“Transcendencia”. Xulio Xiz

Hai uns días, pasando ao lado do edificio da Subdelegación do Goberno, escoitei a voz de Alberto Cortez, procedente dunha fiestra veciña, cantando “El abuelo”. A canción fíxome pensar nas raíces galegas do cantante arxentino, na influencia dos galegos na conformación...