Froxán (Lousame) únese o 28-S á folga polo clima

03 Setembro 2019
Brigadas Deseucaliptizadoras mans á obra nos montes de Lousame

20190903 O sábado 28 de setembro vaise celebrar unha Greve Global polo Clima, unha folga que quere pór de manifesto a necesidade urxente dos gobernos e as grandes empresas de aplicar medidas efectivas que freen o quecemento do planeta e a destrución da diversidade. A comarca do Barbanza non vai ficar allea a esta xornada de mobilización, e así nolo contan as Brigadas Deseucaliptizadoras de Verdegaia, que se unen á folga dende Froxán en Lousame.

Farano recuperando unha turbeira drenada polos Servizos Forestais nos anos 1970 na Área Conservada pola Comunidade Veciñal de Froxán e eliminando eucaliptos en toda a súa contorna. Segundo lembra o colectivo galego de defensa e activismo medioambiental, “as turbeiras representan importantísimos reservorios de carbono e a súa continuada destrución e degradación contribúe para a emisión de CO2 á atmosfera”.

A actuación comezará ás 9:30 e rematará ás 14:00, cun xantar de albaroque ofrecido polas entidades anfitrioas de Montescola e a Comunidade Veciñal de Froxán. Pola tarde será a quenda da Romaria da Coluna Sanfins con coloquios e debates, así como a presentación do libro Mancomunidade. O programa de actividades será aberto ao público en xeral, con coloquios para participarmos activamente. Amais, para celebrar a data e en homenaxe das 600 brigadistas inscritas na iniciativa, durante o albaroque repartiranse as camisolas das Brigadas Deseucaliptizadoras e farase unha foto colectiva.

Outros artigos

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...

+

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...

+

Día das Letras pasado por auga e temperaturas suben baixas

Continuamos durante o venres con inestabilidade atmosférica. Con esta situación, agárdanse intervalos nubrados con chuvascos acompañados de tormenta. As temperaturas continuarán sen cambios ou con lixeiros ascensos das máximas. Os ventos soprarán do noroeste, frouxos...

+

Publicidade

Revista en papel

Opinión