Detidos dous ribeirenses como presuntos autores de dous delitos

03 Setembro 2019
Cedida pola Garda Civil

20190903. A Garda Civil do Posto de Santa Comba detivo a dous individuos como presuntos autores dun delito contra a saúde pública e outro de infracción de fluído electrónico.

Os feitos sucederon a raíz das investigacións realizadas por efectivos da mencionada unidade, ante o tránsito de vehículos de diferentes marcas e modelos en dúas vivendas da súa demarcación.

A Garda Civil realizou durante os últimos seis meses vixilancias esporádicas dos dous inmobles en diferentes franxas horarias, constatando que en cada un moraba un dos detidos, relacionándose diariamente entre si e que as vivendas presentaban unha conexión ilegal ao tendido eléctrico.

A Benemérita contactou coas empresas subministradoras de enerxía eléctrica, corroborando estas que as vivendas tiñan unha conexión irregular coa conseguinte defraudación no consumo eléctrico, sendo este moi elevado ao tratarse de domicilios e non de locais de uso industrial.

A Garda Civil solicitou autorización xudicial para o rexistro de ambos inmobles, dado que tódolos indicios sinalaban á posible comisión dun ilícito no seu interior.

Durante o rexistro, a forza actuante localizou 325 plantas de marihuana cun peso de 7’750 quilogramos na primeira das vivendas e 188 na segunda cun peso de 5’550 quilos, constatando que o interior de ambos inmobles estaba acondicionado para a optimización do crecemento das plantas, contando para iso con sistemas de rego automático e manual, dispositivos eléctricos, bombas de aire, ventiladores, equipos de iluminación especiais, paredes illadas, así como todo tipo de nutrientes, pesticidas e funxicidas.

A Benemérita procedeu á detención dos dous individuos como presuntos autores dun delito contra a saúde pública e outro delito de defraudación de fluído eléctricos e a incautación das plantas e dos dispositivos atopados.

Os detidos, xunto cos efectos incautados, foron postos a disposición do Xulgado de Instrución Número 1 de Negreira.

Outros artigos

A Deputación da Coruña apoia o labor de Misela, Renacer e ADISBISMUR

O presidente provincial, Valentín González Formoso, nunha visita á sede de Misela, en Noia A Deputación da Coruña publicou no BOP deste luns 26 de febreiro a concesión provisional das subvencións dirixidas a entidades sen fins de lucro para o mantemento de programas e...

+

Publicidade

Revista en papel

Opinión

“O medo fala. Consecuencias” – Manuel Domínguez

“O medo fala. Consecuencias” – Manuel Domínguez

O 26 de febreiro publicaba neste mesmo medio, sobre a ameaza de Donald Trump e as súas consecuencias, podería parecer unha opinión, pero non, non, está baseada en feitos. En ano 2004 cando os países bálticos liberáronse das garras comunistas das URSS e pasou a...