Denunciado un veciño de Boiro por suposta infracción ao Regulamento Xeral de Circulación

17 Setembro 2019
Cedida por Garda Civil

20190917. O Destacamento da Agrupación de Tráfico da Garda Civil de A Coruña denunciou a un condutor de 77 anos, veciño de Boiro, por suposta infracción ao Regulamento Xeral de Circulación, ao conducir en sentido contrario ao fluxo na AC-11.

Os feitos sucederon na mañá do domingo ao observar unha patrulla da mencionada unidade, que se atopaba realizando labores de control do tráfico, como un vehículo que circulaba correctamente en sentido de entrada A Coruña pola citada vía, realizou un cambio de sentido circulando en contra ao fluxo dirección A Pasaxe.

A Garda Civil procedeu a interceptar o vehículo, retirando o mesmo da vía, facilitándolle a manobra de cambio de sentido para a súa circulación correcta. Unha vez o turismo se dispuxo fóra da estrada, procedeuse á realización das pertinentes probas de detección de consumo de bebidas alcohólicas ou substancias estupefacientes, dando ambas resultado negativo.

O condutor pensou que pasara o acceso á autopista AP-9 e, por nerviosismo, realizou o cambio de sentido, sen decatarse de que a vía era de sentido único e que posuía unha barreira de seguridade de formigón delimitando ambos fluxos.

Dada a idade do condutor, a súa explicación e os resultados das probas, a forza actuante considerou que non era consciente da manobra realizada debido á súa desorientación, polo que procedeu a confeccionar un boletín de denuncia por suposta infracción ao Regulamento Xeral de Circulación en vez de tramitar o feito como un delito contra a seguridade do tráfico.

A rápida actuación da Garda Civil, unida á hora do incidente e á baixa densidade do tráfico, contribuíron á ausencia de damnificados.

O condutor, ademais da perceptiva denuncia que supón unha sanción de 500 euros e unha detracción de 6 puntos, foi proposto para unha revisión médica extraordinaria ante a Xefatura Provincial de Tráfico.

Desde a Agrupación de Tráfico da Garda Civil do Subsector de A Coruña recoméndase precaución á hora de realizar calquera tipo de manobra, especialmente nas vías de alta capacidade, que, polo volume de circulación das mesmas e outros factores, poden facer perigosa calquera acción ao volante.

Outros artigos

Publicidade

Revista en papel

Opinión

“No cárcere” – Xulio Xiz

“No cárcere” – Xulio Xiz

Como membro dunha sociedade democrática, con poderes básicos, forzas executoras, leis que marcan reglas de xogo, presunta igualdade de oportunidades e plena integración en Europa, calquera de nós corre perigo de pechar os ollos e coidar que vive nun mundo camiño da...