20190920. A parroquia ribeirense de Corrubedo celebra Santa Tecla do 21 ao 23 de setembro. O sábado 21, na honra de Santa Visperiña, arrancará, ás 12.00 horas, con 12 bombas de palenque e a noite, a partir das 22.00 horas, será amenizada por Alborada, Planet Discomovil e DJ Kiber.
A xornada do domingo 22 iniciará, ás 10.00 horas, coas 12 bombas de palenque para, media hora máis tarde, dar paso ao pasarrúas a cargo de Xiada. A Misa solemne na honra de San Roque co Coro Parroquial de Corrubedo oficiarase ás 12.00 horas. A franxa do xantar contará co trío Chocolate con Churros, ás 14.00 horas. Francisco Sánchez Fraga será o encargado do pregón, ás 21.30 horas, e despois procederase a bailar ao son da orquestra Essencia.
O último dos días de festas, o luns 23 terán lugar Misas na honra de Santa Tecla ás 09.00, 10.00, 11.00, 12.00, 18.00 e 20.00 horas, oficiándose a Misa Solemne co Coro Parroquial de Corrubedo, ás 18.00 horas, e a posterior procesión acompañada pola Banda de Música de Caamaño. Pola tarde, ás 19.30 horas, desenvolverase a actuación do grupo As Sivalveiras. Miguel Torres e Grupo Lume porán o broche de ouro coa súa actuación a partir das 21.30 horas.
Así mesmo, o sábado 21 e domingo 22 terá lugar a exposición de pintura con artistas locais na casa do mar organizada pola asociación Corrubedo XI Séculos.