20190909. A Pobra do Caramiñal desenvolveu durante os meses de verán numerosas rutas en veleiro pola ría de Arousa. Finalmente, esta actividade volve durante os sábados e domingos dos meses de setembro -exceptuando o domingo 15- e outubro, así como os días 1 e 2 de novembro. Desta vez, trátase dun percorrido xacobeo con saída ás 11.00 horas do porto deportivo e regreso ao redor das 18.00 horas. O prezo para os adultos establécese en 12 euros, mentres que os cativos ata 12 anos pagan 8 euros.
Este evento enmárcase dentro do programa ‘O teu Xacobeo’, unha programación social e cultural que se desenvolverá en toda a xeografía galega durante o 2019 e 2020, anticipando o Xacobeo 2021.
Dita actividade inclúe a viaxe en veleiro, visita guiada e xantar no restaurante A Batea, situado no porto deportivo de Vilagarcía de Arousa. Os interesados poden reservar e resolver dúbidas a través dos teléfonos de contacto 687482835 e 671090262.
