20190918. O pobrense teatro Elma acollerá o sábado 21, ás 18.30 horas, o espectáculo Cartoóns. Tal e como xa anunciáramos, é un proxecto de Producións Excéntricas, en coprodución co Teatro de Adro. Esta proposta está protagonizada por Víctor Mosqueira e Josito Porto coas colaboracións de Kukas -na escenografía e no deseño gráfico-, Quico Cadaval -na dirección- e Pepe Quintela -na iluminación-. Trátase dun espectáculo de estilo clown e musical, cunha duración de 60 minutos, entrada de balde e dirixido a cativos con idades comprendidas entre os 4 e 12 anos, así como ao público familiar.
Esta cita está organizada pola Concellería de Cultura da Pobra do Caramiñal.
