20190911. O Concello de Boiro anuncia que, a partir deste mércores, os cidadáns poderán visionar en directo os plenos vía streaming, ben sexa a través da canle de Youtube ou ben na páxina de Facebook. Así, esta medida xa estará operativa para o pleno ordinario municipal que se celebrará hoxe, ás 20.00 horas, pretendendo facilitar a comunicación.
Ao respecto, o alcalde José Ramón Romero manifesta que “desta maneira calquera que queira ver os plenos e non poida asistir poderá facelo dende o seu dispositivo móbil estea onde estea. Ademais, dende a plataforma de Youtube do concello poderanse recuperar e volver ver as sesións plenarias en calquera momento.”
