As escolas deportivas da Pobra botarán a andar en outubro

18 Setembro 2019

20190918. A Concellería de Deportes da Pobra do Caramiñal organiza a programación deportiva para a tempada 2019-2020, a cal consta de actividades destinadas a  toda a poboación que sexa maior de 3 anos de idade. Deste xeito, botarán a andar o martes, 1 de outubro, dividíndose en dous cuadrimestres. O primeiro estenderase desde o 1 de outubro do presente ano ata o 31 de xaneiro de 2020, mentres que o segundo será desde o 3 de febreiro de 2020 ao 29 de maio do mesmo exercicio.

Neste senso, o programa atópase diferenciado en varios apartados. Por unha banda, as escolas deportivas do Concello a través de educación física base/predeporte e fútbol sala mixto; e pola outra, as escolas deportivas a cargo dos clubs locais mediante aeromodelismo, artes marciais, atletismo, baloncesto, fútbol sala, fútbol, patinaxe artística, remo, tenis, tenis mesa, tiro con arco, xadrez, xogos de mesa/estratexia e ximnasia acrobática.

Tamén se disporán de xogos populares para Primaria e Educación Secundaria Obrigatoria (ESO). Así mesmo, haberá ximnasia para maiores, ximnasia de mantemento de adultos, pilates e pilates para maiores.

Cómpre sinalar que se organizarán competicións na actividade deportiva en idade escolar da Secretaría Xeral para o Deporte, diferentes actividades nos colexios e torneos nas diversas modalidades deportivas.

Ademais, contarase coa liga local de tenis de afeccionados/as, categoría absoluta, que se disputará nas instalacións deportivas municipais e dará comezo a primeiros de novembro, a cal se organiza en colaboración co Club de Tenis Punta Salera.

Os interesados poden solicitar información e anotarse nas oficinas de Deportes do Concello, situadas na Casa da Cultura e Xuventude Raquel Fernández Soler, en horario de 10.00 a 14.00 horas, cos teléfonos de contacto 981832590 e 981831545.

Outros artigos

A Pobra do Caramiñal rende homenaxe a Manuel Hermo Vidal

A homenaxe a Manuel Hermo Vidal tivo lugar o 16 de abril no salón de plenos do Concello da Pobra do Caramiñal. Este acto institucional foi organizado para recoñecer a figura de Hermo Vidal, quen defendeu os valores democráticos nun momento crítico da historia. A...

+

Publicidade

Revista en papel

Opinión

“Portas xiratorias, interese público”. José Luís Calo

“Portas xiratorias, interese público”. José Luís Calo

España ten moito que mellorar na loita contra a corrupción. O Grupo de Estadoscontra a Corrupción do Consello de Europa (GRECO) publicou dous informes deseguimento que avalían o cumprimento por parte de España das súasrecomendacións para previr a corrupción. O “GRECO”...