‘As costureiras’, dignificando a figura da muller na posguerra

03 Setembro 2019

20190903. Vou Films presentará a súa próxima curta o domingo 8, ás 20.30 horas, no pobrense cine Elma. Baixo o título As costureiras e cunha duración de 7 minutos, narra o labor da muller na época da posguerra. Ao acto de presentación asistiron o alcalde da Pobra do Caramiñal, Xosé Lois Piñeiro; a concelleira de Cultura, Patricia Lojo; o director e guionista do filme, Lois Basallo; e a responsable de produción, Adriana Rego.

A edil destacou que se trata dunha peza rodada integramente no municipio pobrense, a través da que se relata “a muller na época da posguerra e creo que nos darán unha sorpresa, a partir de agora, sobre estas curtas.”

Pola súa parte, Lois Basallo indicou que este proxecto da continuidade ao anterior, As lavandeiras, ademais de anunciar que teñen pensado facer outros máis. De feito, avanzou que a próxima obra audiovisual se centrará nas peixeiras. Desta maneira, pretenden facer ao redor dunha ducia de curtas que formen un conxunto conectado pola temática da muller e os oficios da posguerra. Neste caso, quixeron plasmar o traballo das costureiras, unha tarefa “exclusivamente de mulleres e, por desgracia, non demasiado ben visto, non tiña demasiada boa reputación.” Así, queren proxectar que “era un oficio digno e que axudaba e aportaba na familia.” Para materializalo, contactaron con xente da profesión.

Detallando máis o que deparará este evento cinematográfico, Adriana Rego sinalou que despois do visionado haberá un coloquio que contará coa presenza dos actores –César Cambeiro, Tareixa Cambeiro, Laura Ponte e Rubén Prieto- e da escritora Mercedes Vega, quen “curiosamente escribiu un libro das lavandeiras antes e agora ten un que se chama As costureiras.” Por iso, “dentro da misteriosidade que ten toda a curta tamén hai máis misterios externos.”

Na súa intervención, o rexedor agradeceu o traballo de Vou Films e indicou que “os seus traballos sempre foron un éxito”, desde que comezaron coa curtametraxe Bágoas de Ouro, pasando pola webserie A Partida e agora con estes novos proxectos. Ademais, convidou á veciñanza a que asista e “ogallá faga falta coma sempre repetir máis dunha vez a proxección porque hai esa demanda forte da xente por velo.”

Cómpre salientar que a primeira parte do compendio, As lavandeiras, participou en festivais nacionais e internacionais, sendo finalista no FanCine de Lemos e gañando unha distinción na India. Así mesmo, tentarán presentarse á Mostra de Curtas de Noia.

Outros artigos

A Pobra prepárase para pedalear no 14 de xullo coa Festa da Bici

A trixésimo segunda edición da Festa da Bici da Pobra do Caramiñal convida a pedalear con fin solidario no 14 de xullo. Esta cita que reúne deporte e solidariedade arrancará ás 11.00 horas na praza Alcalde Segundo Durán; espazo que tamén se establece como meta....

+

CONGALSA estreita lazos empresariais con Portugal

CONGALSA, empresa especializada en alimentación de produtos do mar con sede na Pobra do Caramiñal, reforza a súa estratexia internacional estreitando lazos coa principal asociación de empresarios de Portugal, AEP Associaçao Empresarial de Portugal. Deste xeito, a...

+

Publicidade

Revista en papel

Opinión

“Cuando el payaso llora” – Manuel Domínguez

“Cuando el payaso llora” – Manuel Domínguez

Cuando el Payaso llora. A punto de salir a pista, tras las cortinas, los últimos minutos, la tele habla de los niños asesinados en Gaza, el bombardeo cruento del Hospital en Ucrania, tanta muerte inocente. Al payaso le cae una lagrima, recorre su mejilla dejando...

“Igualdade e dignidade”. Luís Celeiro

“Igualdade e dignidade”. Luís Celeiro

A moitos dos que andan polas alturas da función ou da acción política gústalles falar dorespecto á vontade popular, á que a mesma Constitución de 1978 alude no seu Preámbulo,cando fala de “consolidar un Estado de Dereito que asegure o imperio da lei como expresiónda...