20190916. A adxudicación provisional dunha nova actuación permitirá a mellora do firme dun camiño no lugar do Canaveiro, situado na parroquia ribeirense de Oleiros.
A empresa que resultou mellor clasificada das 14 ofertas presentadas foi Construcciones Ponciano Nieto, S.L., cun investimento de 34.711 euros e o seu prazo de execución é dun mes e medio.
A vía obxecto deste proxecto rexistra hoxe en día un pavimento de aglomerado asfáltico “bastante deteriorado debido, en boa parte, a que as raíces das árbores próximas invaden a calzada e producen abultamentos na mesma.” O obxectivo que se persegue con esta obra reside en mellorar este firme coa aplicación dunha nova capa de aglomerado asfáltico en quente, ademais de ampliar o ancho nalgúns tramos.
Previamente á nova pavimentación, serán limpadas as marxes e se destoconará o terreo para evitar que as raíces volvan a deteriorar o pavimento.
A actuación está financiada pola Axencia Galega de Desenvolvemento Rural da Consellería do Medio Rural da Xunta de Galicia.