A XXII Carreira Popular de Santa Uxía congregará a 801 participantes

27 Setembro 2019

20190927. Un total de 801 corredores daranse cita mañá na XXII Carreira Popular de Santa Uxía, a máis veterana das probas desta índole na contorna, que forma parte do VII Circuíto Provincial de Carreiras Populares da Deputación e do IV Circuíto de Carreiras Arousa Norte.

A competición arrancará ás 17.00 horas no Malecón ribeirense coa participación dos Sub-14 e Sub-16, os cales deberán cubrir unha distancia de 2.500 metros. Media hora despois está previsto o inicio da modalidade Sub-12, de 1.000 metros, mentres que, ás 18.00 horas, terá lugar a proba Absoluta de 10 quilómetros, a cal aglutina ás categorías Sub-18, Sub-20, Sub-23, Sénior e Máster, procedendo a dar dúas voltas a un circuíto que bordea o litoral ata Coroso.

Tamén dará comezo, ás 18.00 horas, a denominada ‘Sapatilla inclusiva’, unha modalidade única Absoluta para persoas con diversidade funcional, que terán que completar unha volta de 5.000 metros ao mesmo circuíto.

Por último, ás 19.10 horas, será a quenda dos ‘Pitufos’ antes de proceder coa entrega de trofeos, onde haberá premios en metálico para os tres primeiros clasificados da proba Absoluta, tanto masculinos coma femininos, ademais de recibir un galardón deseñado polo artista Abraham Benítez. Así mesmo, repartiranse medallas conmemorativas aos tres mellores corredores locais e aos tres primeiros de cada categoría. Nas modalidades ‘Pitufo’ e Prebenxamín, tódolos participantes recibirán unha medalla e non se establecerá clasificación.

Con motivo deste evento deportivo, a Policía Local informa de que mañá, sábado 28, desde as 15.30 ata as 20.00 horas, non se poderá circular polas vías afectadas polo transcurso da carreira, sendo a avenida do Malecón, rúa García Bayón e paseo de Carolinas.

Respecto ao centro de saúde e toda a zona portuaria -desde o acceso ao peirao comercial ata o porto deportivo- só se poderá entrar e saír pola rotonda da Comandancia, dirección rúa Romero Ortiz ou cara a estrada de Castiñeiras, DP-7307.

Ademais, estableceranse paradas de autobús provisionais na zona de carga/descarga da rúa Miguel Rodríguez Bautista, onda Levirsa, e no cruce das rúas Galicia-Barreiro, onda a farmacia de Calo.

Outros artigos

O Concello de Ribeira celebra o Día da Bici este domingo 2 de xuño

O concelleiro de Deportes de Ribeira, Xabier Vidal, presentou este luns os detalles da celebración local do Día da Bici, programada para este 2 de xuño. Fíxoo na compaña de xunto a Javier e Moncho Sampedro e lembrando que o obxectivo é fomentar o uso do vehículo...

+

Publicidade

Revista en papel

Opinión

“El ladrón de palabras” – Manuel Domínguez

“El ladrón de palabras” – Manuel Domínguez

El ladrón de palabras. Un traficante de emociones. Generalmente, quien roba palabras, textos o pensamientos suelen ser personas de poca valía personal o al menos así se siente ellos o ellas. No nombrare a nadie, pero los hay desde escritores famoso, a gentes mínimas...

“Diplomacia del disparate”. José Antonio Constenla

“Diplomacia del disparate”. José Antonio Constenla

Hemos tenido presidentes como González y Aznar que han pisado fuerte en elterreno internacional, y otros que han sido mucho menos relevantes. Pero entodos los casos, siempre hemos contado con ministros expertos en políticainternacional, que se rodeaban a su vez de...