A Escola Oficial Náutico Pesqueira de Ribeira impartirá cinco cursos de formación marítima e de mergullo

16 Setembro 2019

20190916. A Consellería do Mar oferta ata finais deste ano máis de corenta cursos de formación marítima e de mergullo a través dos seus centros de ensino, que son a Escola Oficial Náutico Pesqueira de Ribeira, a de Ferrol, o Instituto Galego de Formación en Acuicultura (IGaFA) e o Instituto Politécnico Marítimo Pesqueiro do Atlántico de Vigo. Desde esta área da Xunta sinalan que esta formación “realízase atendendo ás necesidades do sector e a través dela poderán formarse ao redor de 650 persoas.”

Dos corenta e catro cursos que se ofertan ata finais de ano, once son de mariñeiro pescador, seis de patrón costeiro polivalente e un de capitán de pesca. Tamén hai tres de percebeiro, sete de mariscador, un de mergullo, seis relacionados cos primeiros auxilios no mergullo e actualizacións nesta materia, dous de habilidades sociais e comunicación, un de emprendemento para a creación dunha empresa e outros tres serán dalgunha destas dúas últimas materias en función das matrículas presentadas.

Para estes cursos a matrícula está aberta ata completar a oferta e as persoas interesadas poderán consultar en cada un dos centros a dispoñibilidade de prazas. Outros cursos que se ofertan son tres de mariñeiro pescador na modalidade online, para os que a matrícula xa está pechada.

En canto ao resto do curso, xa o ano que vén, a Escola Oficial Náutico Pesqueira de Ribeira prevé unha oferta de quince cursos, entre eles de mariscador, mariñeiro pescador presencial e online, habilidades sociais e da comunicación, formación sanitaria e emprendemento, entre outros.

Mentres, o IGaFA e a EONP de Ferrol irán programando este tipo de formación do ano que vén segundo avance o curso. Esta formación súmase á que se imparte en distintos portos do litoral de Galicia e á formación regrada dos centros dependentes da Consellería do Mar. 

Outros artigos

Ribeira honrará as redeiras polo Día Internacional da Muller do Mar

O día 18 de maio celebrarase o Día Internacional da Muller no sector marítimo e Ribeira quere festexalo rendendo homenaxe ás mulleres que fixeron posíbel, co seu imprescindíbel traballo técnico dende terra (principalmente), o desenvolvemento pesqueiro e económico de...

+

Ribeira presenta a IV Andaina Solidaria Contra o Cancro

O concelleiro de deportes, Xabier Vidal, e a presidenta da Asociación, María José Carreira presentaron este venres 9 de maio a cuarta ediciónda Andaina Contra o Cancro organizada pola Asociación Española contra o Cancro en Ribeira. A cita será o vindeiro 24 de maio;...

+

Publicidade

Revista en papel

Opinión

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.