Unha nova edición do trofeo ‘Conde de Fenosa’ disputarase este domingo

20190809. O pobrense estadio de A Alta acollerá este domingo 11, ás 19.00 horas, a edición número corenta e cinco do trofeo ‘Conde de Fenosa’, sendo “quizais un dos máis antigos”, tal e como sinalaron no acto de presentación o presidente do Puebla F.C., Manuel Nelson Barreiro; o vicepresidente do club, José Manuel García; Ana Romero, en representación da área de Deportes do Concello; e os xogadores Manuel Santiago e Álex Teira.

O partido disputarase entre o Puebla F.C. e o Coruxo F.C., da 2ª división B. Ademais, apuntaron que o Coruxo contará con todo o seu equipo, entre eles Sylla.