20190829. O verán comeza a chegar ao seu fin e, con el, algunhas das actividades propias do calendario desta estación. Así, hoxe rematan as viaxes en veleiro pola ría de Arousa desde A Pobra do Caramiñal, con saída ás 11.00, 13.00, 17.00 e 18.30 horas.
Trátase dunha cita guiada a grupos reducidos nunha embarcación de 12 metros de eslora, cun prezo de 12 euros por adulto e 8 euros cada cativo. Para participar é preciso reservar na Casa Mariñeira situada no parque do Castelo. As consultas referentes á dispoñibilidade pódense facer a través dos números de contacto 671090262 ou 687482835.
