Toxo Telecom ofrecerá fibra de alta velocidade

30 Agosto 2019

20190830 Toxo Telecom, a empresa de comunicacións móbiles con sede en Ribeira, está a rematar a tempada alta do verán achegándonos detalles importantes sobre os seus vindeiros servizos e promocións: trátase dunha máis que relevante ampliación da súa liña de negocio cara a Internet de alta velocidade, un proceso do que xa advertiran na entrevista publicada este mesmo ano no xornal de novas tecnoloxías Código Cero. Segundo sinalan os responsábeis de Toxo no seu Facebook, a operadora está a preparar a distribución do servizo de fibra até o fogar (FTTH polas súas siglas en inglés), ou sexa, rede de alta velocidade para os domicilios dos seus clientes, amais de móbil 4G.

A fibra de Toxo Telecom, que xa ten imaxe propia (a caixa de cereais como alimento completo e máis que nutritivo) comercializarase en converxencia ou individualmente. Haberá paquetes de 100, 300 e 600 Mbps. En datas vindeiras informarase aos clientes presentes e potenciais de máis detalles e características destas ofertas, por exemplo das datas de lanzamento e dos prezos e das posibilidades de acceso que inclúe cada unha.

Toxo Telecom, para que non o saiba, é unha operadora galega posta en marcha en 2018 por tres emprendedores de Ribeira, centrada en ofrecer servizos de telefonía móbil, con tecnoloxía 4G en todo o territorio nacional. Recentemente a empresa avanzou a posibilidade de ofertar aos seus usuarios produtos de telefonía fixa e vender así unha solución converxente con catro servizos principais: TV, móbil, fixo e Internet, como ofrecen os grandes operadores.

Outros artigos

Incidencias en Ribeira coa limpeza de via e incendio en Boiro

Limpeza de vía por vertedura de aceite hidráulico dun tractor na DP-7503, no concello de Ribeira Os bombeiros do parque Provincial de Boiro acudiron esta mañá, arredor das 12:10 horas, a unha intervención por vertedura de aceite hidráulico dun tractor...

+

Ribeira presenta novos roteiros turísticos en bicicleta eléctrica

Este martes 8 de xullo, Francisco Suárez-Puerta, concelleiro de Turismo de Ribeira, anunciou a posta en marcha, nas súas palabras, “dun completo programa de roteiros deseñados para mergullarse na rica historia e cultura da nosa terra”. Estes itinerarios, engadiu,...

+

Publicidade

Castiñeiras

Revista en papel

Opinión

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.