20190807. O xefe da Policía Local de Boiro, Manuel Feás, foi suspendido provisionalmente das súas funcións como consecuencia da investigación que se está desenvolvendo desde o Concello. Esta situación vén dada despois de que un total de 11 axentes e ex-axentes acusasen a Feás de presuntas irregularidades. No escrito presentado no Rexistro do Concello describían unha serie de situacións e solicitaban que se indagase, pois poderían derivar en graves irregularidades. Algunhas incluso serían constitutivas de delitos coma malversación, tráfico de influencias ou prevaricación.
Mentres tanto, o Concello continúa recompilando datos co obxectivo de esclarecer se os feitos sinalados son verídicos, seguindo os procedementos legais e respectando a presunción de inocencia.
